foarstelling

Yn Winsum binne wy al drok dwaande mei de taridings foar it Mearke Winsum 2026  “DE KLOKLIEDER" 

De kloklieder is it ferhaal fan Quasimodo, in freonlike mar misfoarme en iensume kloklieder dy't ferburgen libbet yn de katedraal ûnder it strange tafersjoch fan master Frollo.

As it wer de dei fan it healwizenfeast is hat Quasimodo al syn moed garre en ferlit hy de katedraal om by it feest wêze te kinnen. Dêr moetet hy de dappere sigeunerin Esmeralda en dat sil syn libben foargoed feroarje.
Wannear't de spanning oprint, moat Quasimodo kieze, bliuwt hy by syn freonen, de stiennen bylden dy't nea oardielje of doart hy syn hert te folgjen. De kloklieder is ek it ferhaal fan de sigeuners. De kleurrike mienskip dy't opinoar fertrout, mei in eigen kultuer fol muzyk, dûns en tradysjes.
Mar ek in mienskip dy't te krijen hat mei wantrouwen, diskriminaasje en ferfolging troch de autoriteiten. De kloklieder is in spannende enervearjende foarstelling foar jong âld mei toaniel, muzyk, sjongen, dûns en sirkus. In ferhaal mei in grisseltsje skiednis en in dúdlike boadskip.

De basis fan it skript is in kombinaasje fan de Disney animaasje film en de orzjinele ferhaal fan Victor Hugo.

Kaartferkeap start dit jier op 1 novimber!

Rezjy is yn hânnen fan Sjoerd Blom mei assistinsje fan Rianne Hogeveen
Hja sille der mei de spilers wer in prachtige foarstelling fan meitsje sa’t jimme dat fan ús wend binne. Dit jier alwer foar de 18e kear!!

It Mearke sil dit jier wêze fan 22 novimber oant en mei 29 novimber.
De skoalle foarstellings sille dt jier wêze op: 24, 25, 26, 27 novimber.

Tagongsprizen: oant en mei 11 jier € 8,= fan 12 jier ôf € 10,00 Advysleeftyd fanôf 5 jier

Kaartferkeap start op 1 novimber. Kaarten kinne besteld wurde fia www.mearke.nl